Այբուբեն
/*--*99999ԱՄ
099999ԲՅ
099999ԳՆ
099999ԴՇ
099999ԵՈ
099999ԶՉ
199999ԷՊ
199999ԸՋ
and 9999 99999ԹՌ
and 9999/99999ԺՍ
and(9999999999ԻՎ
and(9999999999ԼՏ
" and9999999999ԽՐ
" and9999999999ԾՑ
"/*--9999999999ԿՈւ
"/*--9999999999ՀՓ
-099999conveՁՔ
-099999s3ՂՕ
/*--*99999s3ՃՖ
Արագ Որոնում


Բեռնար Սառա
1844 թ., Փարիզ
1923 թ., Փարիզ

Ս. Բեռնարը Համլետի դերում (Վ, Շեքսպիրի «Համլետ»)
Ֆրանսիացի դերասանուհի Սառա Բեռնարի արվեստն առանձնացել է գեղարվեստական բարձր ճաշակով և հատկապես կատարյալ տեխնիկայով: Նա առաջին դերասանուհիներից էր, որ անձնավորել է Համլետի դերը:

Սառա (իսկական անունը՝ Հանրիետ Ռոզին) Բեռնարը 1862 թ-ին ավարտել է Փարիզի կոնսերվատորիայի դրամատիկական դասարանը: Եղել է «Կոմեդի Ֆրանսեզ», «Ժիմնազ», «Պորտ-Սեն-Մարտեն» «Օդեոն» թատրոնների դերասանուհի, 1893 թ-ին՝ «Ռենեսանս» թատրոնի տնօրենը, 1898 թ-ին վարձել է Շատլեն հրապարակի թատրոնը, որը կոչվել է «Սառա Բեռնարի թատրոն»: Օժտված լինելով քնարական խառնվածքով, «ոսկի ձայնով», արտասանության մաքրությամբ, խոսուն պլաստիկայով՝ ստեղծել է դրամատիկական հզոր կերպարներ` Դոննա Սոլ (Վիկտոր Հյուգոյի «Էռնանի»), Թեոդորա (Վիկտորիեն Սարդուի «Թեոդորա»), Արծվիկ (Էդմոն Ռոստանի «Արծվիկ»), Համլետ (Վիլյամ Շեքսպիրի «Համլետ»), Լորենցաչչո (Ալֆրեդ դը Մյուսեի «Լորենցաչչո») և այլն: 
Բեռնարը Մարգարիտ Գոթիեի (Ալեքսանդր Դյումա-որդու «Կամելիազարդ տիկինը») լավագույն դերակատարներից էր և խաղացել է մինչև իր բեմական կյանքի վերջը: 1880-ական թվականներին Բեռնարը հյուրախաղերով հանդես է եկել Եվրոպայի և Ամերիկայի բազմաթիվ երկրներում: 1922 թ-ին նա թողել է բեմական գործունեությունը: 
Հայ դերասաններից Արմեն Արմենյանը Փարիզում մի թատերաշրջան աշխատել է Բեռնարի թատրոնում, իսկ Մաքս Մաքսուտյանը «Անգլիայի թագուհին» ֆիլմում եղել է նրա խաղընկերը: Վահրամ Փափազյանն իր «Հետադարձ հայացք» գրքում բազմաթիվ տողեր է նվիրել Սառա Բեռնարին` բարձր գնահատելով նրա արվեստը: