Այբուբեն
/*--*99999ԳՇ
099999ԴՈ
099999ԵՉ
099999ԶՊ
099999ԷՋ
099999ԸՌ
199999ԹՍ
199999ԺՎ
9999 99999ԻՏ
and 9999/99999ԼՐ
and 9999999999ԽՑ
and(9999999999ԾՈւ
and(9999999999ԿՓ
" and9999999999ՀՔ
" and9999999999ՁՕ
"/*--99999conveՂՖ
"/*--99999s3Ճ
-099999s3Մ
-099999ԱՅ
/*--*99999ԲՆ
Արագ Որոնում


Կարիբյան ծովի կղզիների բնակիչներն ամեն գարնան կազմակերպում են գեղեցիկ և աղմկոտ տոնախմբություններ:
Հյուսիսային և Հարավային Ամերիկաների միջև 3000 կմ երկարությամբ ձգվում է Բահամյան, Մեծ և Փոքր Անտիլյան կղզիների աղեղը, որը Կարիբյան ծովը բաժանում է Ատլանտյան օվկիանոսից: Կղզիների ընդհանուր տարածքը 240 հզ.կմ2 է: Դրանց մեծ մասը հայտնաբերել է Ք. Կոլումբոսը և, սխալմամբ համարելով, որ հասել է Հնդկաստան, դրանք անվանել է Վեստ Ինդիա:
Մեծ Անտիլյան կղզիներն ունեն մայրցամաքային, Փոքր Անտիլյանը՝ հրաբխային, Բահամյան կղզիները՝ բուստային ծագում: Անտիլյան կղզիների մակերևույթը, բացի Կուբա կղզուց, լեռնային է: Հայիթի կղզում արևմուտքից արևելք ձգվում են չորս զուգահեռ լեռնաշղթաներ, այստեղ է գտնվում տարածաշրջանի ամենաբարձր կետը՝ Դուարտե լեռը (3176 մ):
Փոքր Անտիլյան կղզիները, որոնք ձգվում են Կարիբյան ծովի արևելքով, աչքի են ընկնում ակտիվ գործող հրաբուխներով՝ Սուֆրիեր (Գվադելուպա կղզում), Մոն Պելե (Մարտինիկա կղզում):
 Կղզիների կլիման արևադարձային պասսատային է (շոգ և խոնավ): Աշնան ամիսներին հաճախակի են արևադարձային փոթորիկները, որոնք մեծ վնասներ են պատճառում: Գետերը կարճ են ու ջրառատ: Հանգած հրաբուխների խառնարաններում կան ոչ մեծ լճեր: 
Չնայած մարդու տնտեսական գործունեության հետեվանքով տարածաշրջանի բուսական աշխարհը խիստ տուժել է, այնուամենայնիվ` այն աչքի է ընկնում հարուստ տեսականիով: Կղզիներում տարածված են մըշտադալար անտառներն ու սավաննաները, կան սոճու մնացորդային պուրակներ: Կղզիների կենդանական աշխարհն աղքատ է: Հանդիպում են կապիկներ, հովազներ, լուսաններ, տարածված են թռչուններն ու սողունները:
Տարածաշրջանում գտնվում են 1 տասնյակից ավելի երկրներ, որոնք եղել են նախկին իսպանական, պորտուգալական, բրիտանական, գերմանական գաղութներ և անկախություն են ձեռք բերել XX դարի 1-ին քառորդում: Երկրների տնտեսության հիմքը գյուղատնտեսությունն է: Մշակում են հիմնականում շաքարեղեգ, կոկոսյան արմավենի, սուրճ, կակաո, արևադարձային մրգեղեն և այլն: Մեծ է նաև ձկնորսության դերը:
Կարիբյան ծովի ափերը հազարավոր կիլոմետրերով վերածվել են առողջարանների, հանգստյան գոտիների, զբոսաշրջության հանգրվանների: