Այբուբեն
"/*--99999conveՃ
"/*--99999s3Մ
-099999s3Յ
-099999s3Ն
-099999ԱՇ
/*--*99999ԲՈ
/*--*99999ԳՈու
099999ԴՉ
099999ԵՊ
099999ԶՋ
099999ԷՌ
099999ԸՍ
099999ԹՎ
099999ԺՏ
199999ԻՐ
199999ԼՑ
and 9999 99999ԽՓ
and 9999/99999ԾՔ
and(9999999999ԿՕ
and(9999999999ՀՖ
" and9999999999Ձ
" and99999Ղ
Արագ Որոնում


Կեռասենու ճյուղը՝ ծաղիկներով և պտուղներով
Կեռասենին վարդազգիների ընտանիքի կեռասենու ցեղի տերևաթափ պտղատու ծառ է: Տարածված է Միջին և Հարավային Եվրոպայում, Իրանում, Ռուսաստանում, Կովկասում: Աճում է հիմնականում լայնատերև ու ասեղնալայնատերև անտառներում: ՀՀ-ում հանդիպում է անտառային կեռասը: Աճում է Լոռու, Տավուշի, Գեղարքունիքի, Սյունիքի, Արագածոտնի մարզերում: Մշակվում է Արարատյան, նախալեռնային, հյուսիսարևելյան և Զանգեզուրի գյուղատնտեսական գոտիներում: 
Բնի կեղևը գորշասպիտակավուն է, ծառի բարձրությունը՝ 15 (20) մ: Տերևները պարզ են, խոշոր, երկար, ձվաձև, հակառակ ձվաձև՝ սուր ծայրով, ատամնաեզր: Ծաղկաբույլը նոսրածաղիկ հովանոց է, ծաղիկները՝ խոշոր, սպիտակ, երկար կոթուններով, երբեմն՝ մեկական: Ծաղկում է ապրիլ-մայիսին: Պտուղը տարբեր մեծության, հյութալի կորիզապտուղ է, կարմիր, սպիտակ, դեղին, վարդագույն, կորիզը՝ կլորավուն կամ ձվաձև, հարթ: Պտղահյութն անգույն է, երբեմն՝ մուգ կարմրավուն, քաղցր, թթվաշ: Պտուղները պարունակում են շաքարներ, ազոտ և այլ նյութեր, օգտագործվում են թարմ և վերամշակած (մուրաբա, կոմպոտ, հյութ, ջեմ, գինի, չիր, շաքարաչիր և այլն): Կորիզի միջուկը պարունակում է յուղ, որն օգտագործվում է օծանելիքի արտադրության, բնափայտը՝ ատաղձագործության մեջ (պատրաստում են երաժշտական գործիքներ):
Երկարակյաց է (ապրում է մինչև 100 տարի և ավելի), ջերմա-, լուսա-, խոնավասեր է: Բազմանում է արմատներով, սերմերով և արմատային մացառներով: Մեղրատու է: