Այբուբեն
and 9999 99999ԷՉ
and(9999/99999ԸՊ
and(9999999999ԹՋ
" and9999999999ԺՌ
" and9999999999ԻՍ
"/*--9999999999ԼՎ
"/*--9999999999ԽՏ
-09999999999ԾՐ
-09999999999ԿՑ
/*--*99999conveՀՈւ
/*--*99999s3ՁՓ
099999s3ՂՔ
099999ԱՃՕ
099999ԲՄՖ
099999ԳՅ
099999ԴՆ
199999ԵՇ
and 199999ԶՈ
Արագ Որոնում


Պետական կարգը՝ 
հանրապետություն
Մայրաքաղաքը՝  
Յարեն
Տարածքը՝ 
22 կմ2
Բնակչությունը՝ 
10 հզ.
Պետական լեզուները՝  
նաուրու, անգլերեն
Դրամական միավորը՝ 
ավստրալական դոլար
Նաուրուի Հանրապետություն
Նաուրուն պետություն է Խաղաղ օվկիանոսի հարավ-արևմուտքում՝ համանուն կղզու վրա: Բրիտանական համագործակցության «հատուկ անդամ» է (չի մասնակցում Համագործակցության երկրների կառավարությունների ղեկավարների մակարդակով անցկացվող խորհրդակցություններին):
Մակերևույթը մինչև 65 մ բարձրության սարահարթ է, ափերը շրջապատված են բուստային խութերով: Հարավ-արևմուտքում Բուադա լճակն է: Կլիման հասարակածային է: Խմելու ջուրը ներմուծվում է: Ծովափնյա ցածրադիր դարավանդները պատված են կոկոսյան արմավենու տնկարկներով: Շատ են ծովային թռչունները: Նաուրուի հարստությունը ֆոսֆորիտների հանքավայրերն են, որոնց անխնա շահագործման հետևանքով երկրի տարածքի 1/3-ը վերածվել է համատարած բացահանքի:
Կղզին հայտնաբերել են անգլիացիները 1798 թ-ին: XIX դարում այստեղ բնակություն են հաստատել առևտրականներ, մարգարիտ որոնողներ: Կղզին բազմիցս նվաճել են Գերմանիան, Ավստրալիան, Մեծ Բրիտանիան, Ճապոնիան: Հանուն անկախության շարժումն սկսվել է 1950-ական թվականներին: Անկախություն է ձեռք բերել 1968 թ-ի հունվարի 31-ին:
Բնակչության կեսից ավելին նաուրուցիներն են, բնակվում են նաև չինացիներ, Եվրոպայից և Խաղաղօվկիանոսյան կղզիներից ներգաղթածներ:
Տնտեսության հիմքը ֆոսֆորիտների հանույթն է: Մշակում են կղզու հողատարածքի միայն 1 %-ը (արևադարձային մշակաբույսեր, հիմնականում՝ կոկոսյան արմավենի):
Զարգացած են նաև ձկնորսությունը և տնայնագործությունը: