Այբուբեն
"/*--99999s3Ճ
-099999s3Մ
-099999ԱՅ
/*--*99999ԲՆ
/*--*99999ԳՇ
099999ԴՈ
099999ԵՈու
099999ԶՉ
099999ԷՊ
099999ԸՋ
199999ԹՌ
199999ԺՍ
9999 99999ԻՎ
and 9999/99999ԼՏ
and 9999999999ԽՐ
and(9999999999ԾՑ
and(9999999999ԿՓ
" and9999999999ՀՔ
" and9999999999ՁՕ
"/*--99999conveՂՖ
Արագ Որոնում


Սեդրակ Առաքելյան
1884 թ., գ. Ջահուկ (այժմ՝ հայաթափված Նախիջևանի Բաբեկի շրջանում)
1942 թ., Երևան

«Ինքնանկար» (1924 թ.)
Ս. Առաքելյան. «Ցորեն են չորացնում» (1915 թ.)
Նկարիչ, ՀԽՍՀ արվեստի վաստակավոր գործիչ Սեդրակ Առաքելյանը խորհրդահայ գեղանկարչության հիմնադիրներից է, բնանկարի ժանրի առաջնակարգ վարպետներից:

Սեդրակ Առաքելյանը 1908 թ-ին ավարտել է Գեղեցիկ արվեստները խրախուսող կովկասյան ընկերության Թիֆլիսի գեղանկարչության և քանդակագործության դպրոցը, որտեղ աշակերտել է Եղիշե Թադևոսյանին, 1916 թ-ին՝ Մոսկվայի գեղանկարչության, քանդակագործության և ճարտարապետության ուսումնարանը: 1919 թ-ին տեղափոխվել է Երևան: 1921–37 թթ-ին Առաքելյանը եղել է Երևանի գեղանկարչության և քանդակագործության դպրոցի (այժմ՝ Փանոս Թերլեմեզյանի անվան գեղարվեստի ուսումնարան) հիմնադիր-դասատուներից, 1921–25 թթ-ին՝ վարիչ: 1905–08 թթ-ին նկարիչն աշխատակցել է «Հասկեր» ամսագրին և «Մաճկալ» թերթին: Նրա արվեստը ձևավորվել է Ե. Թադևոսյանի գեղանկարչության, ռուսական ռեալիստական նկարչության և հայրենի բնաշխարհի ազդեցությամբ: Առաքելյանի աշխատանքներին բնորոշ է հայրենի բնության և գյուղական կենցաղի գունագեղ արտացոլումը: 
Բազմաբնույթ են նրա կտավների թեմաները: Գյուղական պատկերներից են՝ «Հաց են թխում» (1914 թ.),  «Ցորեն են ծեծում» (1915 թ.), «Գյուղական բակ» (1927 թ.),  «Կալը Սևանի ափին» (1928 թ.), «Աղբյուրի մոտ» (1928 թ.), բնապատկերներից՝ «Առաքելոց եկեղեցին. Սևան» (1923 թ.), «Գարունը Երևանում» (1926 թ.), «Աշուն. Երևանի մի անկյունում» (1926 թ.), «Հին Գորիս» (1940 թ.) և այլն: Առաքելյանն առարկայական աշխարհն ընկալել է գեղանկարչի բնածին տաղանդով: Պայմանական նշանակությամբ գունաշարով վավերացրել է ժամանակի ռիթմերը, ռոմանտիկ շունչը, որոշ դրվագներում հասել է գեղարվեստական բացառիկ արդյունքի («Սևան: Կարմիր ճայեր», 1926 թ., «Փշատաքաղ», 1936 թ.): Հեղինակ է նաև ինքնատիպ կոմպոզիցիաների և դիմանկարների: Նկարչի գործերի մեծ մասը պահվում է Հայաստանի ազգային պատկերասրահում: Առաքելյանը մասնակցել է Վենետիկի (1924 թ.), Նյու Յորքի (1929 թ.), Ստոկհոլմի (1930 թ.), Փարիզի (1934 թ.) ցուցահանդեսներին:
«Գյուղական բակ» (1927 թ.)
«Իջևանատուն Երևանում» (1921 թ.)